我的網誌清單

2015年1月30日星期五

豬扒餐

自從家中自己釀水果醋之後,已經冇買醋。
上次整水果醋醬油豬扒,整得太少,今次整多多,一定夠食!

2015年1月29日星期四

泰式紅咖哩三文魚千層茄子

周末天氣差,凍到呢。。。
灰灰嘅天,食啲泰式嘢,個人冇咁灰灰架。
冬天柚子多,做柚子沙律,醒醒胃。

2015年1月27日星期二

2015年1月26日星期一

它來自Ghana

因為病到天昏地暗,成幾日冇出街。
我習慣成日出去周圍行, 幾日冇得出街,似囚友,開始有長霉感覺,真攞命。
身體ok,即外出,吸收自由空氣!
屋企已經冇乜菜,要去去土超。
見到佢!雙眼發光!

2015年1月25日星期日

蒜香牛扒井

王子温馨提示,想食牛扒井。
家中長期有牛扒,解凍用得。
於是,就整咗蒜香牛扒井。

2015年1月24日星期六

奶黃vs朱古力

有番精神,要整啲嘢,等自己唔太霉。
我病,王子啲食用即刻受影响,諗住有番精神就整番啲嘢俾佢食。
佢最愛甜甜甜甜嘢,整甜包吧!

2015年1月23日星期五

病人蕃茄飯

上排人人整蕃茄飯,我冇呀,特別係原裝蕃茄飯,我會覺寡。


2015年1月22日星期四

病人餐

病到天昏地暗。
今次啲菌超勁,真攞命,搞到我周身骨痛,又咳又狂包雲吞,成個人霉哂。
仲病到個口苦哂,食乜都無味。。。
王子立即home office,照顧我。
咁都要食架,呢啲時候,超懷念香港嘅方便,落街買外賣就得啦。
呢度,外賣少又唔近,啲外賣又唔啱病人食,用糧倉快啲囉。
我無胃口啫,胃口呢家嘢,王子日日都有。

2015年1月20日星期二

菠菜頭

你家吃菠菜頭嗎?
我以前唔食架,有次睇電視,話菠菜頭營養十分豐富,含鐵質,可預防貧血,不過大部份人唔知,掉咗唔食。
响東歐超見到靚靚有頭菠菜,買咗2扎。

2015年1月19日星期一

尋寶

我嘅焗盤响2014結束前一小時,打爛咗!
自知粗手粗腳,我唔鐘意用貴餐具,費事提心吊膽,打爛咗個心又滴血。
某天去行二手店,揾替代物兼尋寶去!

2015年1月18日星期日

Gabelletti

個萬用三文魚醬真斧頭王,煮一鍋,夠整4樣嘢。
清埋啲三文魚醬,開包Gabelletti,用黎整Pasta Stew。

2015年1月16日星期五

2015年1月15日星期四

榴槤

呢個唔係一般榴槤,係冰榴槤。
我度要食榴槤,就只有冰榴槤。
每一次响東歐超見到冰榴槤,我都拎出黎睇睇,每一次冰榴槤在我手,必定有人問我,究竟係乜、點食.......一大蘿問題,然後就會有人圍住聽,我就會做咗榴槤大使。。。
而最後,我都會叫佢地唔使買啦,應該唔啱佢地口味。。。
事實上,我亦未遇過愛吃榴槤嘅洋人。
我諗:如果個洋人長時間响泰國、新加坡、馬來西亞住過,或者先會慢慢愛吃呢。
見blog友Mommy Dearest成日有榴槤食,真係正。
終於响東歐超買咗一個,真想試呢!

2015年1月14日星期三

Cup Bread

呢個萬用三文魚醬真抵食,某晚無心睡眠,走去搓包,做第二日嘅lunch。
人地用個form整蛋糕,我用個form整包,就叫Cup Bread吧!

2015年1月13日星期二

鮟鱇

熟識日本菜嘅人,一定聽過鮟鱇。
鮟鱇,monkfish也。
尤其是鮟鱇魚肝,係人間極品,滋味不輸法國鵝肝。
鮟鱇魚肝油香誘人,仲冇鵝肝咁膩。

2015年1月12日星期一

味醂一夜干(Repost)

Blogger short咗,如果上篇睇唔到, 篇啦!

去東歐超買餸,我最鐘意買魚。
我實在食唔慣洋超啲冰鮮魚,王子都話品質唔得。。。
今次响東歐見到啲鮮魚勁平,拿拿淋買咗8條歐洲川鰈、2同4鯖魚。
魚會蒸,另外果啲整一夜干啦。
返到屋企,4鯖魚不見了!東歐超俾咗4條樽魚!
我賺咗!!!哈哈哈!!!

味醂一夜干

去東歐超買餸,我最鐘意買魚。
我實在食唔慣洋超啲冰鮮魚,王子都話品質唔得。。。
今次响東歐見到啲鮮魚勁平,拿拿淋買咗8條歐洲川鰈、2同4鯖魚。
魚會蒸,另外果啲整一夜干啦。
返到屋企,4鯖魚不見了!東歐超俾咗4條樽魚!
我賺咗!!!哈哈哈!!!

2015年1月11日星期日

三文魚醬薄餅

萬用三文魚醬嘅另一擊!
去完街,超攰,用少少萬用三文魚醬,快手整個三文魚醬薄餅。
由搓粉到焗完,50分鐘已經有得食,仲快過外賣薄餅。

2015年1月10日星期六

雪中聖誕市場

聖誕前,一點雪都冇。
聖誕後,雪來了!可是聖誕市場又冇咗。
只有Bad Cannstatt呢個聖誕市場仲開,趁經過,又去睇睇雪中聖誕市場。

2015年1月9日星期五

萬用三文魚醬

呢個係我家嘅新寵-三文魚碎。
其實之前响一間小超市見過,買咗一次,超方便又美味。
因為唔係罐頭三文魚,鮮味得多。
買咗一次後,想再買但買唔到啦。。。超失望呢。。。
不過,响東歐超,我再次遇上,呢啲黃金機會,真係一期一遇。

2015年1月8日星期四

Sausage Stew with Buckwheat

响中國人嘅世界,主食應該係米飯,尤其是南方人,當然亦會有包點麵食做主食嘅時候啦。
西人呢?麵包、薯仔、米飯都有,另一樣係各種穀物。
食各種不同穀物 ,其實更均衡,係有益架。

2015年1月7日星期三

自家乾式熟成法

睇開呢個台嘅朋友,大概都知我久不久會買Dry Age Steak(乾式熟成牛扒)。
Dry Age,其實不是牛嘅專利,豬都得!
買咗豬腩排,其實係平肉黎架,唔趕住食,於是整自家乾式熟成,幫塊肉upgrade呀。
自家乾式熟成,冇專業機器,時間不能太長,效果沒有專業那樣好,但肉質香氣皆會有進步。
豬腩排切好,用廚紙包幾層,碟上加上筷子,將豬腩排放在上面,入雪櫃雪3-4日,完成!
幾日後,啲肉會有啲類似芝士味 ,色澤也會暗咗,冇咁鮮紅,是正常的。
剛做咗一大樽洋薏米鹽麴,加啲黑椒碎用黎醃豬腩排。


2015年1月6日星期二

低脂三文魚批

趁大減價,要陪王子去買王子的新衣,因為佢冇心機睇,佢自己去係買唔到抵嘢架。
通常係我睇咗再問佢鐘唔鐘意,鐘意先再去試。
今次佢用咗80歐買咗3條褲、5件上衣、1件冷衫,仲有一件pure cashmere上衣,堅抵呀,佢非常滿意。
我呢,之前已經响outlet買咗3對冬天鞋,一對Gabor、 一對ECCO、 一對Adidas,本來三對要300歐+,減價後係52歐咋!!!尤其係Gabor同ECCO,第一次買到咁平,非常鐘意佢地啲鞋,保暖又舒服,防風又防水,行耐咗隻腳都唔攰。
呢度冬天啲天氣, 對鞋真係勁重要。。。

2015年1月5日星期一

趕工

我做嘅手造白味噌,開咗黎食之後,成為咗我家呢個冬天嘅大愛!
6樽嘅白味噌,竟然响幾星期內差不多食哂。
我家王子亦由一個不喜味噌湯,變成愛味噌湯嘅人。
尤其係白味噌,有黃豆香之外,亦較甜,易入口。
當佢發現白味噌已經冇乜時,即時叫我趕工。
趁新年冇得外出 ,又做一批。

2015年1月4日星期日

自製臘腸

趁有時間,做了3斤臘腸。
自製臘腸其實同自製台式香腸方法一樣架,調味方面主要是自己口味同由地區去決定,是喔,中國各地都有臘腸,調味真是各處鄉村各處例。
自製臘腸調味會比自製香腸重啲,而廣式臘腸一般會用玫瑰露同較多糖去調味。

2015年1月3日星期六

Rapini

响土超經常見到呢隻菜,叫rapa。
覺得佢似芥蘭嗎?
有幾次想買回來試試,又怕它苦,最後都冇買。
依家冬天, 菜嘅選擇少咗,見佢咁平,買黎試吧!

2015年1月2日星期五

塘虱腹部

今日個標題-塘虱腹部,有冇令你諗到乜嘢?
我都係寫呢篇blog先知咋。唔知?咁睇睇啦。
我今日,真係煮咗塘虱腹部架。

2015年1月1日星期四

梅菜扣肉

同blog友Wien Ohtria一樣,我買咗呢隻梅菜。
真出事!你有冇留意到,佢中英不符?!
我想買甜梅菜,但係佢係咸架。
本來買黎蒸肉餅,咁冇計啦,只好「改變土地用途」。。。
不過其實,呢包嘢我一直冇理佢。。。