黃小兵

很久沒有上載黃貓嘅情況，其實它久不久，依然會來找三色貓，依然係佢嘅小兵。
附近嘅街坊紛紛來跟我說，黃小兵很喜歡三色貓，每次見到三色貓都跟住佢，漸漸地，佢哋仲會一齊玩添。
這天，黃小兵又來，又向三色貓發出那種痴纏嘅聲音同眼神。

美好的時光

周日，天氣繼續放晴，25度，和暖，氣溫剛剛好。
在土超買咗有機香蕉，有機香蕉近年我開始喜歡買，總係覺得特別好味。
見雪櫃有牛油，便想到焗蛋糕來。
家中無一般合桃，但係有pecan nuts（長山核桃），我覺得長山核桃比較好味，有時買到嘅普通合桃會有些少苦澀味，王子會投訴，但係長山核桃就未試過有呢個情況。
午飯後把蛋糕焗好，放在架上放涼，準備下午茶時享用。

週六午餐

過去嘅一個周末，天氣好好，陽光普照。
小菜園亦有新嘅收成，係日本品種嘅沙律菜，樣子很好看啊。
家中有牛油果，也有點肉碎同舊麵包，就用幾種材料做個午餐出來，順便清下雪櫃。

漏網之魚

某天，响小菜園淋水時，發現咗一條超大嘅翠玉瓜。
真係唔知點解會發雞盲，一直無留意到。

新嘗試

我好鍾意食土耳其米，久不久會去入貨。
去開土超，見屋企用開嘅眉豆差唔多用晒，係時候要入啲新豆用來煲素湯。
成日都係用眉豆，真係有啲悶，係時候要試下新嘢。
土超好多豆嘅選擇，佢哋好鍾意食豆㗎。
今次買呢兩種，都係新嘗試。

炸湯渣軟餅

又有一盒，不過我已經有新煮意，一定唔會浪費。

素沙茶麵疙瘩

是日，打算做麵疙瘩。
麵疙瘩係一種北方好流行嘅麵點，沒有江南麵食那種細緻精巧，相對比較粗獷同家常。
做法都係各家各法，我通常係先將大約半茶匙嘅鹽放進冷水，拌勻至溶解。
盤裡加入普通麵粉，中間開個洞，倒入鹽水及少少橄欖油，再將佢搓成團就可以。
如果喜歡口感多一點，水份就不要加太多，麵糰要偏向結實。
跟住醒麵，夏天大概半小時，冬天就一小時，跟住其實已經可以用，但係我比較喜歡放入雪櫃，冷藏幾小時以上才用。

素湯與素米

天氣一早一晚開始好涼，真係有啲入秋嘅感覺啦。
家中有一堆事情要做，要準備好秋耕，又要做一點清潔工作，都係食得簡簡單單算啦。

派福利

我哋大超市嘅寵物部有一定嘅規模，以前我從不涉足，依家三色貓嚟咗，我就要留意吓邊隻貓糧貓零食好啲，幾時有減價之類啦。
平價貓糧佢係唔吼嘅，不過我都唔想俾佢食，怕影響佢身體健康，起碼要食中價以上嘅。
呢排天氣涼咗，佢係咁食，應該係要增肥入冬喇，再加上天氣凍咗，佢捉唔到老鼠食，一包貓糧好快俾佢食晒。
不過，這天，有福利派。
這品牌係我買開之中最平嘅，各式派福利活動亦係最多，三色貓都幾鍾意食佢啲產品。
最近產品有新配方要推出，打算測試消費者（即係各大貓姐貓哥）反應，每個住戶可以免費要三包。

素炒飯

依家久不久，都會自製麵筋用來代替肉，有豐富蛋白質之餘，吃罷感覺良好，完全沒有想念吃肉嘅感覺。
之前說過，自製麵筋可以多做一點，這幾天做好一盒，又拿一點來用，做個素炒飯。
易潔鑊內加入少少油，開小火，用剪刀將麵筋剪成肉丁呎寸，細細粒，然後開中火，將素肉丁煎至兩面焦黃。

湯渣又再來

包餃子自己搓皮，剩下麵糰，不浪費，將佢入雪櫃，隔天還可以再用。

A貨竹蔗茅根水

是日，要做啲慳家環保嘢。
小菜園有幾顆發育不良嘅粟米，見到就眼冤，都係早早清除佢算啦，粟米芯，秋葵都係長得麻麻，也被我一併清理，再加上自家種嘅蕹菜，炒埋一碟就當一碟餸。

素版蘿蔔牛腩湯

買到可靚好肥嘟嘟嘅白蘿蔔，仲有靚靚超甜粟米。
突然間好想飲蘿蔔牛腩湯，不過想了想又想，還是不要吃太多肉，不如整個素版蘿蔔牛腩湯吧。

煎餃子

週六下午，太陽高高掛，王子去咗游水，咁曬，真係唔駛預我。
我叫他玩得開心啲，答應晚餐給他做煎餃子。
唔知係我整得好，定係王子游完水肚餓，定係好耐無整，竟然所有餃子都食哂！！
呢個份量，一共有四碟㗎！！！

湯渣健康包

我種咗幾盤羅勒，最近長得好茂盛，又係時候要食下佢。

東歐超

好耐好耐冇去過東歐超啦。
某天去探完朋友，見東歐超就在附近，咁一定要去一趟啦。
真係變幻原是永恆，一段日子冇見，佢已經有啲改變，雖然佢依然係東歐超，但係竟然賣多咗好多亞洲同其他地區嘅食品，仲有亞洲蔬菜賣添，顧客都多咗亞州人面孔。
而且，最攞膽嘅係，佢嘅價錢平過亞超好好好多呀！！！
是日買來嘅係蒜芯同印度苦瓜。

蒲精

最近好多時候見到超市有貓嘅嘢大特價，咁見到啱用，就要入下貨啦。
買咗幾張貓氈，話係什麼高科技放敏感防菌防臭，都唔知流定堅，見好抵買，就買幾張啦。
最鐘意呢張VIC。。。

湯渣再處理

呢排經常有素湯飲，是日，又有一堆湯渣。

低脂焦糖燉蛋

某日嘅跳樓貨係鮮奶。
Hmm。。。整乜好呢。。。。。
不如整低脂焦糖燉蛋。
呢個真係唔係法式嘅焦糖燉蛋，法式要用上鮮忌廉，而且係用蒸焗嘅方法整出嚟，好香不過真係好邪惡，我呢個只係用咗全脂奶，所以相對算係低脂吧。
我嘅習慣係，有甜品一定要有咖啡。

香蔥糯米飯

早上醒來，感到一點點嘅秋意，突然好想食糯米飯。
拿拿林去浸糯米，準備晚餐用，仲浸咗幾隻香菇。
屋企冇臘腸，我用咗德國鮮肉腸代替，先將肉腸煎熟，放涼一點，切粒。

慢燒牛肉

超市嘅普通燒牛肉有半價，好抵食啊。。。
其實我未買過普通嘅燒牛肉，平時都係買開貴價嘅牛仔肉，或者係aged咗嘅牛肉。
不過見咁平，又不妨試吓。
周日，我哋食慢燒牛肉。

麵包舖

某日，屋企化身成為麵包舖。
無他嘅，天氣預告話會熱，我想响好熱之前整定啲麵包，真係熱到唔想郁時，翻熱啲麵包就算數喇。

週六午餐

週六，天氣好差，超級密雲，兩個人响屋企靜靜地撐枱腳。
今日係三個涼菜配一個湯。

增量漢堡扒

屋企食剩咗幾個麵包仔，已經好硬下，先用水浸軟佢哋。

日式炒牛蒡絲

菜價高，呢排就成日响小菜園搵嘢食。
今日嘅主角係，有機牛蒡。

貓不可以貌相

看著三色貓呢個可愛睡寶寶樣，大概，你同我一樣，會俾佢呃到。
最近發生咗幾件事，真係令我完全改觀。

韓式青口清湯

開始進入秋天，藍青口上場啦。
今日仲買到跳樓貨添。
是日，我打算整韓式青口清湯。

沾沾自喜

王子最近做身體檢查，某日攞完報告，非常沾沾自喜。
原來佢估唔到自己會俾醫生盛讚，話佢各樣指數都好靚仔，唔多人可以咁樣。
醫生竟然仲請教佢，點樣可以保持到，佢就話同平時佢嘅飲食習慣有關。
返到公司，連啲同事都好驚訝，原來佢哋大部份嘅體檢報告，或多或少都有啲問題，其中有一兩個，仲係好年青，已經俾醫生勒令要將生活同飲食習慣完全改變。
返到屋企，佢心情勁靚，即刻提我，要繼續煮多啲有益嘅健康餐俾佢食。
是日，都係健康餐，兩個素菜加一個老火湯。