我的網誌清單

2016年11月30日星期三

妒忌

三色貓,每日都要坐過我大髀幾次先安樂,其實我都幾怕佢啲爪,所以永遠都要鋪好毛巾先比佢上嚟坐。
如果唔比佢坐呢,就會嗚嗚嗚咁喊,好似我辜負咗佢咁。

2016年11月28日星期一

藜麥香菇滑雞煲仔飯

以前煮飯,久不久都會加入糙米,但係仲係覺得準備工夫多,有啲煩,又唔係咁好食。
依家呢,就鍾意用其他有益嘅穀物代替,好似呢個藜麥飯,我真心覺得唔錯,方便又少功夫,無怪味又唔硬。
藜麥呢種super food其實已經响洋人世界大熱咗好一段日子,最初價格高昂,依家已經平民化咗好多。
天氣凍,我今日用嚟整藜麥香菇滑雞煲仔飯。
將幾湯匙藜麥沖沖水,加入浸香菇水,少少清水,中小火,加蓋煮大約8-10分鐘。

2016年11月26日星期六

預告

王子同我分享咗一篇報道,關於俄羅斯嘅冷風,將會吹到歐洲。
因為佢哋天氣寒冷得很,天空上出現咗美麗嘅天空藝術 - 冰柱。
我從來未住過咁寒冷嘅國家,未見過冰柱。
如果你同我一樣未睇過,可以睇下呢段片,真係好美麗嘅自然奇景,好有通往天堂之路嘅感覺。

2016年11月25日星期五

羊肉腸仔煎飽

雖然我哋係腸仔國,但係見到嘅腸,通常係豬肉,牛肉,雞肉,同火雞肉。
由羊肉同鴨肉做嘅腸其實好好味,不過好少見。
是日突然見到有羊肉腸,買咗。
打開包裝,立刻一陣羊臊味湧出嚟,正呀。

2016年11月24日星期四

2016年11月23日星期三

2016年11月22日星期二

The magical advent calendar

聖誕節就嚟到啦,周圍都開始有唔同嘅聖誕裝飾,Advent calendar周圍都係。

2016年11月21日星期一

上車盤

星期日,好好太陽又好暖笠笠,亦係三色貓正式成為業主嘅大喜日子!!

2016年11月20日星期日

荷葉餅

今日整荷葉餅。
我諗,冇乜人知道,乜嘢係荷葉餅。
佢仲有個名,叫潤餅,我諗,都係無乜人聽過。
其實,佢仲有好多唔同嘅名,不過,都應該係冇乜人聽過,但係佢,其實好多人都食過,佢,就係用嚟包片皮鴨個塊皮。
一啲都唔難整,開工啦。
麵粉內加入鹽(麵粉最好係一般中筋粉,一半高筋粉,如果無,用全中筋粉都可以),拌勻,慢慢倒入熱水,拌勻。
熱水嘅比例大約係麵粉嘅一半,即係一杯嘅麵粉,雖要大約半杯水。
跟住,等大約10分鐘,冇咁熱,將佢搓成麵糰。
太乾,加少少暖水再搓。
太濕,加少少麵粉再搓。

2016年11月19日星期六

紅油抄手

某天,突然好想食雲吞。
去亞超買雲吞皮,都幾山長水遠,仲要外面凍冰冰,咁我自己用制面機整吧。
上一次其實已經試過,用制面機整雲吞皮,但係效果好厚。
今次再用人手自己壓薄啲,睇下效果點樣,我都係覺得厚咗啲。
下次等我試下其他方法同配方先得。

2016年11月18日星期五

唔浪費

整完片皮鴨,又起埋啲肉做鴨鬆,剩下鴨骨。
屋企從小到大都係咁,鴨骨唔會丟,會用嚟煲湯同煲粥。
鴨骨加入清水同幾片薑,用壓力煲將佢煲成鴨湯,份量都唔少,可以分開幾次用啦。

2016年11月17日星期四

三文魚

早上一醒來,便想著:好想食魚呀。
幸好,家中有儲備三文魚,立刻解凍,準備晚餐用。

2016年11月16日星期三

年曆

很快,又要踏入新一年啦。
年曆都紛紛上市,有免費嘅,亦有要錢買嘅。
以往每一年,我都會買一套貓年曆俾王子,佢愛貓,但家中無養,冇得摸有得睇都好過冇。
這一年,三色貓來了我家,本來打算唔買啦,點知,世事就係咁奇妙。

2016年11月15日星期二

洋蔥雞翼飯

某一天晚上,王子講唔實,會唔會返屋企食晚飯。
我最憎最憎最憎就係呢啲情況,都唔知使唔使預佢,又唔知要預幾多。
試過預佢食呢,佢分分鐘又話唔肚餓,搞到食唔晒。
唔預佢呢,又試過佢見到我食,大叫肚餓,又要食埋一份,最後,我食唔飽,又要再煮嘢食,真係搵嚟搞。。。

2016年11月14日星期一

捲餅

整片皮鴨嘅時候,反正都整開,特定整多啲麵皮。
咁,就可以食多一餐捲餅啦。

2016年11月13日星期日

芝士香蔥肉醬厚多士

某日晚上,整咗兩大條健康枕頭包。
早上起來,發現有人已經開咗嚟食,仲好富貴咁用意大利買返嚟嘅松露蜜糖搽嚟食添。
突然,發現屋企有聲,原來佢唔想返工,想home office喎。
即係,我要臨時整個二人lunch。

2016年11月11日星期五

自家片皮鴨

年年天氣開始凍,就係食鴨嘅時候。
碰上超市嘅鴨做本週減價,我又買咗隻,唔係太大咋,2.2kg。
諗咗好耐應該點食,最後,都係決定整片皮鴨,因為,真係太耐無食過啦。

2016年11月10日星期四

雜錦炒蕎麥烏冬

之前整蕎麥烏冬,留咗一份大嘅响雪櫃。
王子一早出咗聲,要食炒烏冬。

2016年11月9日星期三

湯渣pizza

之前嘅湯渣肉醬,仲有剩㗎,所以會用嚟做pizza。
做好pizza底,鋪上湯渣肉醬,再搽上一層沙律醬,在鋪上蔬菜,灑上少少鹽,少少黑椒碎,焗到差唔多,再灑上芝士再焗多幾分鐘,就完成啦。

2016年11月8日星期二

杞子蟲草花雞肉蕎麥烏冬

今年嘅第一場初雪,突然嚟咗,外面氣溫驟降。
過往都係十一月底先有第一場雪,今年早咗好多呀。

2016年11月7日星期一

2016年11月6日星期日

A貨炸雞餐

早上去超市,見到盒跳樓貨雞脾,勁平。
心裡面,突然間好想念炸雞叔叔嘅出品。
我哋好少炸雞叔叔嘅分店,城嘅內內外外,加埋都係得幾間,而且價錢都頗高昂,最近我家嘅,要揸車35分鐘先到。
其實A貨一啲都唔難整,而且用嘅時間其實好短,咁我開工啦。

2016年11月5日星期六

酸菜魚米線

早上去超市,見到有包鰈魚柳減價,反正未決定食乜嘢做晚餐,就佢啦。

2016年11月4日星期五

我要我們在一起

數數手指,三色貓已經嚟咗我哋屋企半年啦。
我同王子都發現,佢真係好嗲,好痴我哋,尤其係我,去到邊佢都會跟住。
佢似乎,好鍾意有人陪住佢,好怕被我哋留下佢一個。

2016年11月3日星期四

公眾假期

聖誕節前嘅最後一個公眾假期,終於都渡過咗啦。
假期在星期二,又是在萬聖節後,王子攞咗一日假,就可以有四日連假。
最後一日嘅假期,王子唔知乜事,瞓到十二點都唔起身。
我早佢好多已經醒咗,先同三色貓公主跪安,幫佢按摩,跟住做咗一堆家務,王子仲係未起身。
如果聽日仲有假期,就無所謂,可以任佢瞓覺,但係聽日要早起返工,就唔得啦,瞓到咁晏,即係今晚有人會瞓唔著,典床典蓆,聽朝鑊鏟鏟都唔起身,返工個精神狀態又似喪屍。

2016年11月2日星期三

魚露炸雞

突然好想好想食炸雞。
屋企買咗咁多粟米雞,即刻解凍半隻先!!!