安然入睡

已經好耐好耐，無見到三色貓响屋企午睡啦。
天氣好，這小鬼天天去玩，肚餓先返嚟，食飽又出去玩過。
不過呢，佢嘅嗲精性格依然冇變，依然係成日要人注意要人錫，仲係要多多果種！！！

尋貓記

這星期，三色貓嘅前主人突然找上門。。。。

新一頁

最近實在太忙，生活有了新變化，皆因新工作開始啦。
剛開始時實在不適應，突然從悠悠閒閒嘅生活，一下子跳進極其忙碌嘅每一天，要學習嘅事情實在太多喇。
幸好，日子有功，進步也隨之而來。
忙碌嘅日子當中，被荒廢嘅豈止網誌，還有亂得一團糟嘅家居，小菜園一度成為森林。
新生活逐漸上軌道，終於有時間打理下。
Swiss Chard已經長得高高大大，實在唔錯，有時忙到連買餸都冇時間，响小菜園摘就有得食。

鐵飯碗

同王子傾開，我哋都發覺，三色貓最近呢個月，有越來越曳嘅趨勢。

情不變

天氣開始回暖，又係貓兒嘅求愛期。
唔知你哋仲記唔記得，三色貓嘅兵，黃小兵呢？？？
黃小兵已經好耐冇响花園出現過啦，我以為佢對三色貓死咗心添。
突然，佢又出現返，仲追住三色貓一齊返嚟，然後兩個開始坐低休息，曬下太陽。

自製新鮮烤麩

是日，打算自製新鮮烤麩。
我哋係無新鮮烤麩賣嘅，只有乾貨，好耐好耐之前買過一次，處理嘅時候已經覺得唔對路，好似洗碗用啲海綿，煮完之後試食，果然係洗碗海綿，口感好古怪，自此，無再買過。。。
新鮮烤麩其實唔難整。
首先準備一碗暖水，加入適量酵母，少少糖，攪拌之後等一陣。
另外準備麩質蛋白粉（vital wheat gluten）同一般中筋麵粉，我用嘅係100%純嘅麩質蛋白粉，如果你買嘅麩質蛋白粉唔係100%純，就要自行調高個比例。
我用嘅比例係8：2，即係320g麩質蛋白粉，對80g中筋麵粉。

優質生活

一排無見，唔知你哋有冇掛住三色貓個貓樣。
天氣晴朗，三色貓都多咗出去，享受陽光。
首先聞下有無其他貓嘅氣味，跟住就來個石頭磨面facial。

周日午餐

好耐冇影吓食物啦。
周日，天氣好好，陽光普照，非常暖和。
午餐，快快手整返兩味。
蕃薯當造，買過幾次都好食，印象中，本地好似無蕃薯出產，平時買嘅，都係美國貨，入口嘢，所以偏貴。

慶生發小財

這一年嘅慶生，依然係享受一連串嘅免費活動，仲好，唔駛諗。
另一個特備活動，係發小財。

久違。藍天。

久違了嘅藍天，終於出現啦，仲有大太陽添！仲有成10度咁高呀！！

代步

首先祝大家雞年行大運，身體健康，萬事勝意，心想事成！！

我哋，連續幾星期，都係處於冰封狀態。
有雪嘅日子，啲細路最開心。
每逢有大雪，就即刻出去玩。
而雪橇呢種代步工具就會出現，王子都話，呢個係佢其中一個美好嘅童年回憶。

施比受更為有福

我諗大家都會認同，我家三色貓真係好得寵，好好命水。
不過，幸福唔係必然，有好多，連食都無得食，完全無人照顧。
這天，我打開三色貓嘅糧倉，打算將佢唔鍾意食嘅貓糧同零食，全部捐晒出去。
佢見到我搞佢個糧倉，即係好緊張，唔知我想點，三色呀三色，施比受更為有福呀。
其實呢度只係一部分，另外一部份會比三色貓再試試，如果佢都係唔like，就捐晒出去吧。
王子見到呢堆嘢，忍唔住話佢：三色你真係太得寵啦，出面大把貓無嘢食，你仲有得揀食乜嘢。。。跟住，又錫吓佢，摸下佢。。。

香煎糯米春卷

天氣凍，食吓糯米補身。
今日唔想食飯，淨係想食小食做晚餐，諗咗一陣，決定整煎糯米春卷。
糯米浸水兩小時，瀝去水分。
香菇浸軟，切碎，浸香菇水留下備用。
易潔平底鑊內加入糯米，香菇碎，粟米粒，甘筍碎，香菇水，鹽，少少糖，日本醬油，拌勻。
然後加入水，水加到剛剛蓋過面就足夠，拌勻。
我今日食素，所以無肉，你喜歡嘅話可以加入其他材料，例如臘腸粒，瑤柱絲等等。

幸運貓

同三色貓出街時，久不久都有人，特別係老人家，同我講，你知唔知呢隻係幸運貓？？
是的，在德國，三色貓會被稱爲Glückskatze，即係幸運貓，因為相傳佢係會為主人帶來好運，同埋响危難裡面，特別係火災，救主人一命。
而响日本，佢哋都係最受歡迎嘅貓，招財貓就係仿照佢哋而製成，相傳以前漁夫出海，仲會帶埋佢哋上船保平安添。

侍寢

入冬以後，三色貓好多時唔可以响外面玩咁耐，留在室內嘅時間多咗，我發覺佢夜晚一個孤伶伶响客廳瞓梳化，顯得有點落寞。
於是有幾晚，以免騷擾王子，我嘗試搬到客房睡，三色貓就可以同我一齊瞓覺。
佢，當然開心到爆炸。
後來，王子提議，試下二人一貓一齊睡，發覺又冇乜問題喎，佢好乖好靜，冇乜騷擾我哋。
就這樣，貓之侍寢生涯就開始咗啦，不過，究竟係邊個侍邊個寢呢？？？
這天，剛剛換上新床單，三色貓响旁邊勁興奮，馬上跳上來試試。

Walk The Cat

三色貓嚟咗我哋屋企無幾耐之後，某天我想外出買點東西，佢死跟住，就係咁，開始咗我walk the cat嘅生涯。
Walk the dog好普遍，但係walk the cat真係少見，要睇下隻貓嘅性格。
我冇用貓帶，因為三色貓一定會唔鐘意，同埋怕佢有危險。
鄰居同附近嘅街坊見到，都覺得好驚奇，話從來未見過唔用貓帶去walk the cat，紛紛問我點訓練佢，難唔難，有乜要注意等等。
不過有啲貓主就話，佢哋都試過，係得嘅，但係就要睇下隻貓囉，大部分貓都係唔得嘅。
這天，見有時間，著好衫，大聲叫三色貓：去。街。啦。。。。。
條友即刻撲出嚟，見我着好衫，已經知道我陪佢散步，興奮不已。
睇下佢個傻樣，幾搞笑啊。。。

鄉村紫椰菜批

是日有啲勤力，又寫下飲飲食食嘅嘢先。
某次同王子行街，見到有鄉村紫椰菜批賣，但價格高昂，而且係凍嘅，最終都無買。
不久之前，超市嘅紫椰菜大減價，便想起不如自己動手整。
我今次整嘅批比較大，所以份量會多啲，你可以根據自己個批嘅大細，深淺作調整。
攪拌機內放入兩杯麵粉，一茶匙鹽，拌勻，放入兩隻蛋，攪拌至麵粉變成淡黃色。
再慢慢加入大約2／3杯橄欖油，攪拌至剛剛吸收就可以。

苦悶

氣溫突然驟降，晚間跌到得零下十二度，日間最高都係得零下五度。
我哋城內已經算係暖，山區地方更甚，最低會跌到零下二十五度。
我家三色貓，終於頂唔住，完全出唔到街。
有好幾次，佢嘗試出去，但係實在太凍，响門口坐咗幾分鐘，就頂唔住，想返入屋。

小腳印

我家三色貓，確實係一隻貪玩小鬼。
落雪，都阻止唔到佢呢顆想去玩嘅心。
其他貓都唔多鍾意落雨同落雪，三色貓就完全唔理，想去玩就去玩，完全唔怕濕身。

三色除夕夜

今年除夕夜，係三色貓第一個响我家過嘅新年。
除夕夜，對好多本地人嚟講，尤其係細路，係非常期待嘅一晚，因為係唯一一晚，可以放煙花，所以聖誕後嘅幾日，所有超市都主力賣煙花，賣到最後一刻。
我同王子都唔特別鍾意玩煙花，而且外面係零下氣溫，真係咪搞喇，但係好多人就玩到不亦樂乎，我家可以睇到煙花，所以只要望出窗外，就可以睇到靚靚煙花，啲人玩咗成晚之後，外面嘅空氣變得好差，朦朦朧朧，即使我哋嘅門窗緊閉，依然可以响屋內聞到燒煙花嘅味道。
三色貓呢，就一啲都唔享受啦，除夕夜，係佢哋嘅驚嚇夜，砰砰砰砰嘅聲音，令貓貓們好驚。
以前王子養嘅貓，都會驚慌到成晚匿埋响地牢，三色貓真係比較勇敢，竟然好幾次走出門外睇下發生乜嘢事，一見到外面周圍都係火光，就知驚轉返入屋，但係佢又好奇，於是成晚都响大門附近徘徊，不安之中又帶點八卦。
清醒依然有人响度玩，於是佢無覺好瞓，新年第一日，有隻貓兒好眼瞓。

Welcome！2017！

2017，歡迎你既來臨！

新年新希望，新一年祝福大家身體健康，恩典滿載！